2007-04-17 - Хакухо Даваажаргал...!
Монгол улсынхаа нэрийг дуурсгаж яваа бахархалт хөвгvvдийн маань нэг бол яах аргагvй Хакухо Даваажаргал.
Японы мэргэжлийн сумогийн дээд зиндааг эзэгнэж яваа монгол хөвгvvдийн манлай болж ирээдvйн их аварга болно гэж ард тvмэн бидний хvсэн хvлээж итгэж найдаж суудаг хайртай хөвгvvн билээ.
Сvvлийн vед тvvний талаар элдэв мэдээлэл бишгvй цацагдаж нэлээдгvй шуугих болсон. Учир нь Хакухо маань харv башёд тvрvvлсэн баярт vетэй давхцуулан япон бvсгvйтэй хуримаа хийнэ гэсэн баяр дээрээ баяр нэмсэн мэдээлэл хийсэн. Энэ нь зарим нэгэнд таалагдаагvй бололтой. Аргагvй дээ хайртай хөвгvvнээ бахархаж явдаг бөхөө харьд алдах нь гэсэн хардлага харамсал зарим нэгэнд төрсөн нь дамжиггvй. Хакухо японы иргэн болж Монголоосоо урвах нь, Монгол охидоо тоосонгvй, Монгол сайхан залуусаа гадагшаа алдаад дуусах нь гэхчилэн хvртэл гомдолын хатуу vг хаялцгаав...
Энэ бvхэн гэхдээ Хакуход Монголын ард тvмэн хичнээн хайртай бас итгэж бахархаж явдагийн нэг илрэл байлаа. Гэхдээ бас энэ бvх хэрээс хэтэрсэн хатуу vгс харын сэтгэл хэтэрхий яарсан бас нэг талыг барьсан болчимгvй хандлага байсан гэж хэлэх нь зvйтэй байх.
Монгол тvмэн бид аливаад одоо уужуу талбиун ухаалаг хандах цаг болжээ гэж бодогдоно. Аливаад хэтэрхий туйлширч vнэн мөн учир зvйг нь ч мэдээгvй ойлгоогvй байж нэг талыг барьж зvтгэж цөөхөн монголчууд бид нэгнээ буруутгах гэж яаран гомдоох нь хэрээс хэтрээд байх шиг.
Ийм ч учраас хайрлаж хvндэлж бас итгэж явдаг хайртай сумочийнхоо талаар vнэн бодит мэдээллийг олж мэдэхээр мөн та бvхэнд хvргэхээр баттай эх сурвалжуудтай холбогдож зарим нэг товч мэдээлэл авсанаа хvргэж бичиглэв.
Хакухо Монгол тvмнийхээ магнайг тэнийлгэв
Бөхөд хайртай Монголчуудын хайртай хvv японы мэргэжлийн сумогийн Озэки Хакухо Даваажаргалыг ирээдvйн их аварга гэж итгэж найдаж хvлээж суудаг хvн олон. Анх Кёкvшюзан Батбаяр тvvнийг хөтөлж сумо хэмээх эр зориг хатуужлын их спортод оруулж байжээ. Тэр цагаас хойш Хакухо ард тvмнийхээ итгэл найдварыг хөсөрдvvлсэнгvй мэргэжлийн сумогийн дэвжээнээ урамтай сайхан барилдаануудыг vзvvлж улмаар хоёр дахь удаагаа тvрvvлэн эзэн хааны цомыг гардан авлаа. Монгол тvмний магнай тэнийн баярлацгаав. Өмнө нь Озэки Хакухо өнгөрсөн оны Нацу бөшёд тvрvvлж олон тvмнээ баярлуулж байсаныг бид мартаагvй. Ирэх 5-р сард Хакухо аваргын төлөө тэмцэлдэх нь тодорхой болов.
Хару башёгийн хамгийн сvvлчийн өдөр озэки Хакухо нэгэн сонирхолтой мэдэгдэл хийсэн. Тэрбээр гэрлэсэн тухайгаа сэтгvvлчдэд мэдэгдсэн. Тэрээр ирээдvйн ханиараа 22 настай Саёко Увада хэмээх япон бvсгvйг сонгожээ. Ямартаа ч олны хэл амнаас эхнэрээ нууж байсан озэки Хакухо Хару башёгийн сvvлийн өдөр нийтэд эхнэрээ ил гаргав. Мэргэжлийн сvмогийн Харv башёд тvрvvлсэн озэки Хакvхо ирэх таван сард аав болж анхныхаа vрийн зулай vнэрлэх болсноо ч албан ёсоор зарлав. Хакvхо оюутан бvсгvй Саяако Вадатай өнгөрсөн хоёр сарын сvvлээр гэрлэлтээ батлуулсан бөгөөд анх тэднийг 3 жилийн өмнө ёкозvна Асашёорюv танилцуулж байжээ. Тэр vед Саяакогийн эцэг их аварга Асашёорюvг дэмжих нийгэмлэгийн тэргvvнээр ажиллаж байсан юм байна.
Энэ жил Саяако японы эзэн хааны гэр бvлийн олон гишvvд суралцаж байсан Токиогийн элит их сургуулиудын нэг “Гакvшин”-г төгсөх аж.
Хакvхогийн хуримандаа барьсан бэлэг нь Харv башёгийн тvрvv байсан бол удахгvй төрөх vрдээ их аварга цол хvртэж бэлэг барих бололтой. Ингээсэй ч гэж олон тvмэн хvсэж хvлээж байгаа биз.
Хакухогийн маань эхнэр Монголын иргэн болно
Саёко Увада бvсгvй монгол хvнд хайртай болж амьдралаа холбохоор шийдсэн тул Монголын иргэн болж Монголд амьдрах хvсэлтэй байгаагаа илэрхийлжээ. Тэрээр монгол хэлээр чөлөөтэй ярьдаг бөгөөд монгол хэлийг улам шамдан суралцаж эх хэл шигээ эзэмшихийг зорьж байгаа гэсэн.
Мөн Саёко Увада бvсгvй хуримынхаа өмнө монгол ёс заншилыг сайн мэдэж авахын тулд хичээн судалж байгаа бөгөөд монгол хоолыг маш сайн хийдэг болсон аж. Тvvний гарын гурилтай шөл, цуйван, бууз, хуушуурыг идэх гэж манай сумочид тэднийд зочлох дуртай болсон гэсэн.
Тэд хуримаа Япон, Монгол хоёр талд ёс төртэй хийх бөгөөд энхэртэйгээ энэ зун эх орондоо ирэхээр болжээ.
Хакухогийн хадав аав ээж Монголд элэгтэй хvмvvс
Хакухогийн сvйт бvсгvйн аав Вада Томоёши нь Япондоо нэлээд нэр хvндтэй бизнесмен хvн аж. Япон даяар сvлжээтэй хөгшчvvдийн асрамжийн газартай, хvмvvнлэгийн чиглэлийн олон улсын томоохон төрийн бус байгууллагыг толгойлдог, Ошима, Миягино зэрэг сумо бөхийн томоохон дэвжээнvvдийг ивээн тэтгэдэг гэсэн.
Мөн ноён Вада Томоёши нь Монголд хэд хэдэн удаа зочилж байсан монголд элэгтэй нэгэн аж. Вада Томоёши гуайн эхнэр нь өөрийгөө Монгол уг гаралтай хvн гэдэг гэсэн.
Төгсгөхөд
Хакухогоороо бахархаж байна. Эрт цагт Их Монголын баатар эрс аян дайнд мордож харь орны vзэгслэнт гvнжийг илд зэвсэгийн хvчээр булаан авч богтлон эхнэрээ болгон авчирдаг байсан бол өдгөө монголын ухаан хvч нь тэгширсэн сайхан хөвгvvд ухаан чадал хайр сэтгэлээрээ харийн сайхан бvсгvйчvvдийн хайрыг татаж эхнэрээ болгон ирдэг болов. Юу нь буруу байна. Хайртай бөхдөө баяр хvргэе!
Спотын амжилтаас гадна сайн сайхан амьдралыг ерөөе!
/Болод.М/
| 
