2007-06-07 - Элэг хөшлөө!!

Нийгмийн хамгаалал хөдөлмөрийн сайд:
Засгийн газар ард тvмнийхээ эрvvл мэнд, амьдралын тvвшинд илvv ихээр санаа зовох болсонд гайхах зvйлгvй. Өмнөх хэдэн жилийн дотор өөрсдөө энэ хоёр асуудлаа 100% ок шийдчихсэн юм чинь аргагvй л дээ.

Мобикомын vйлчилгээ

Зоригтой, цөстэй, эрэмгий залуучуудыг vргэлж дэмждэг манай оператор нь энэ сараас эхлэн «Зоригтон» нэртэй бэлэгтэй урамшууллын аян зарлаж байна. Аянд оролцохыг хvсэгчид нь Засгийн газар, ЦЕГ, ТТГ руу утасдан «Би танайд байранд бөмбөг байрлуулсан» чанга дуугаар, зоригтой мэдэгдээд, утасныхаа дугаарыг vлдээх ёстой. Ингэж чадсан хэрэглэгч бvртээ бид хар дамран малгай, танкийн хар, яалуу бакел, торгон ороолтыг 1000 нэгж, бvтэн  сарын ярианы эрхийн хамт vнэгvй бэлэглэнэ.

Юнителийн зар

Манайх vйлчлvvлэгчдийнхээ хvсэлтийг харгалзан «Саак шоудлаа!» нэртэй шинэ vйлчилгээг нэвтрvvлж байна. Энэ vйлчилгээнд хамрагдан тусгай нууц код авч, ойр дотны хvмvvсийнхээ утсыг бvртгvvлснээр та цагдаагийн ямар ч хэлтэс, эрvvлжvvлэх байр, хаяг тогтоох, хордлого тайлах төв, гэмтлийн эмнэлгийн жижvvрийн утаснаас ганц удаад нэг дор ах эгч, аав ээж, өвөө эмээ, өмгөөлөгч гээд нийт зургаан рvv асар хямд vнээр ярих боломжтой болох юм.

Ийгл телевизийн утас нь дуугарав.
-Уучлаарай та энэ сувгын босс нь мөн vv?
-За?
-Танайх гvйдэг мөрөөр сурталчилгаа явуулахаа болиулчихаач. Манай эмээ караоке явж байна гэж бодоод дагаж дуулаад байх юм.

Драмын театрын өлгvvр.
-Та явах гэж байгаа юм уу? Манай жvжиг таалагдахгvй байна уу?
-Хаанаас даа. Таалагдалгvй яахав.
-Жvжигчид нь муу тоглоод байна уу?
-Yгvй vгvй. Миний дуртай жvжигчид тоглож байсан.
-Тэгээд та яагаад явах гээд байгаа юм бэ?
-Яахав дээ, гав ганцаараа харанхуй хоосон зааланд суухаар нэг л эвгvй санагдаад байх юм.

Их дэлгvvрт:

-Уучлаарай, би энэ цамыг өчигдөр танай дэлгvvрээс авсан юм л даа...
-Тийм ээ, санаж байна. Яасан?
-Та чинь энэ цамцыг солонгосынх гээ биз дээ?
-Тэгсэн.
-Тэгвэл энэ цамц чинь тэндээс импортлогдсон юм уу, эсвэл баригдаад хөөгдөөд ирсэн юм уу?

Эрэл сургууль.
Зарлал: «Энэ сараас эхлэн манай сургуульд сурагчдынхаа ая тухтай байдлыг хангах vvднээс шинэ vйлчилгээ нэвтрvvлж байна. Дараа сарын нэгнээс эхлэн хичээлийн хонхны оронд анги болгонд өөр өөрийн гэсэн полифони ая явуулахаар болж байна. Хичээл эхлэх, дуусахад өөрийн дуртай дууг сонсох хvсэлтэй байгаа бол хичээлийн эрхлэгчтэй уулзан 5000 төгрөг төлнө vv!»

Ерөнхийлөгчийн Ерөнхийлөгчийн засаглалд шилжих тухай  илтгэлийн vг:

Эх орноо зарахын тулд эхлээд худалдаж авах хэрэгтэй гэдгийг мартаж болохгvй.

Yнэндээ элэг хөшихөөс илvvтэй элэг эмтэрч байж ч мэдэх юм шvv!