2007-04-17 - *Ерөнхийлөгч Н.Энхбаяр бантангаа хэзээ дуусгах вэ?!*

Монгол улсын маань ерөнхийлөгч их л ухаантай хvн болж Төрийн дууллаа өөрчлөх санал гаргаж УИХ ч дэмжиж олон тvмний хvсэл сонирхол санал бодлыг vл харгалзан яаран сандран ажлын хэсэг гаргасан.

Манайдаа л утга уран зохиолын мастер гэгдэх өвгөчvvлийг цуглуулж Төрийн дуулалдаа гар дvрсэн.

Гэхдээ анхдагч зохиолчдын нэрийг өөрчлөхгvй гэж их л өгөөмөр зан гаргаж байгаа бололтой ганц нэг vг өгvvлбэрт хумсаа шvргvvлэх аяджээ. Гэхдээ энэ нь удаа ч vгvй өгөөмөр зан биш чадахгvйдээ бантсан бантан байсан нь илрэв.

 Их Монгол 800 жилийн ой, Улс тунхагласны 85 жилийн ойн баяр наадмынхаа өмнө амжуулах гэж хэрэндээ л хөөрцөглөсөн. Их ч рекламдсан даа. Нэг л мундаг том ажил хийж байгаа мундаг хvмvvсийн гараас гарах агуу сайхан Төрийн дуулал хvлээж ард тvмэн итгэж найдаж горьдож байв.

Гэвч энэ нь талаар болж хоцров. Шинэчилсэн төрийн дуулал нь олон нийтийн санаа бодолд төдий л хvрсэнгvй. Учир нь vг утгын хувьд тун тааруу болсон тухай хvн бvр ярьж байна. Бvр харамсаж байна. Нуухыг нь авах гээд нvдийг нь сохолно гэгч болж өмнөхөөс нь дээрдvvлэх гээд Төрийн дууллаа долоон дордуулсан явдал нь харамсах байтугай хариуцлага тооцох асуудал билээ гэх ч хvн байна.

Шинэ төрийн дуулал

Дархан манай тусгаар улс
Даяар Монголын ариун голомт
Далай их дээдсийн гэгээн vйлс
Дандаа энхжиж, vvрд мөнхөжнө

Хамаг дэлхийн шударга улстай
Хамтран нэгдсэн эвээ бэхжvvлж
Хатан зориг, бvхий л чадлаараа
Хайртай Монгол орноо мандуулъя

Өндөр төрийн минь сvлд ивээж
Өргөн тvмний минь заяа тvшиж
Yндэс язгуур, хэл соёлоо
Yрийн vрдээ өвлөн бадраая

Эрэлхэг Монголын золтой ардууд
Эрх чөлөө жаргалыг эдлэв
Жаргалын тvлхvvр, хөгжлийн тулгуур
Жавхлант манай орон мандтугай

Гэсэн энэхvv шинэ хувилбарт наад захын алдаа мадаг их байгааг та  ч гэсэн ажиглаж байгаа биз.

Ийм ч учраас ард олон энэхvv ажлыг анхлан санаачлагч ерөнхийлөгчийг хийсэн ажилдаа эзэн болж чаддаггvй, халтуурдагч хэмээн буруутгаж эхлээд байна.

Ерөнхийлөгчийнхөө бантан хутгасаны буянаар 800-н жилийн ой, баяр наадмаа  монголчууд шинэчилсэн нэртэй утга агуулага муутай төрийн дуулалтай өнгөрөөлөө гэж болно.

*Ерөнхийлөгч Н.Энхбаяр бантагаа хэзээ дуусгах вэ?!* Арай ингээд нэг мөсөн гvрийгээд чимээгvйхэн өнгөрөөе гэж санаж байгаа юм биш биз. Нэгэнт л шинэчилж засая гэж санаж сэдэж эхлvvлсэн бол халтуурдалгvй сэтгэл гаргаж Монгол орноо утга агуулага төгс шинэ сайхан Төрийн дуулалтай болгох буйзаа гэж олон тvмэн итгэн найдаж байна. Эс бол хуучнаар нь vлдээ. Vгvй бол Халуун элгэн нутаг дууг ч төрийн дуулал болгоё гэх мэт олон санал гарч байна.

Ажил хийвэл дуустал давс хийвэл уустал, Ам алдвал барьж болдоггvй агт алдавал барьж болдог, Бvгдээрээ хэлэлцвэл буруугvй гэх мэт Монгол ардын сайхан vгс байдаг даа!!!

Дахин дахин асуухад *ЕРӨНХИЙЛӨГЧ Н.ЭНХБАЯР БАНТАНГАА ХЭЗЭЭ ДУУСГАХ ВЭ?*