2007-04-17 - Ерөнхийлөгч, шадар сайд, УИХ-ын гишvvдээ дагуулаад ууланд авирна гэнэ vv!!!

Манай ерөнхийлөгч элдэв юм санаачлах, энэ тэр юманд юманд оролцохдоо гарамгай нэгэн бололтой. Хогын цэг дээр явж л байна, хаана ямар баяр наадам болно vг хэлж л байна, шинэ албан байгууллагын нээлтэнд тууз хайчилж л зогсоно. Ард тvмэн бидэнтэйгээ ойр дажгvй хvv шvv гэж эмгэд өвгөд магтаж, их л мундаг удирдагч гэж тойрон хvрээлэгчид нь шагшиж, шvvхэд өгч мэднэ гэж сэтгvvлч бид айна. 10 саяын vнэтэй гэх дээлээр гангарч олны нvдийг бvлтийлгэнэ, морь унаж, мориноос унаж ард тvмнээ сандаргана, сум тавьж мэргээ vзэж олныг шагшуулна, төрийн дууллаа шинэчилнэ гэж дордуулж паактална... Тоочвол их ээ их.

Гэтэл манай их сэдэгч ерөнхийлөгч маань саяханаас бvр сонин зvйл сэдсэнээ зарлаж ард тvмнийхээ нvдийг бvлтийлгэж чихийг дэлдийлгэв.  Монгол Улсын Ерөнхийлөн Н.Энхбаяр маань санаачлан хоёр сар орчим нууцаар бэлтгэлээ базааж, Шадар сайд М.Энхсайхан, УИХ-ын гишүүн,Р.Бадамдамдин, УИХ-ын гишүүн С.Баярцогт нарын 20-иод хүний бүрэлдэхүүнтэй хоёр ч багтай энэ сарын 23-28-нд Алтай таван богдын ноён оргил, Хүйтний оргилд гарах гэнэ.

Ерөнхийлөгчийн толгойлох уулын багийг “Сүлд” хэмээн нэрийдсэн бол Шадар сайдын ахлах багийг “Туг далбаа” гэжээ. Харин багийн нийт гишүүд энэ удаагийн авиралтаа “Их Монгол-800″ гэж нэрлэсэн аж. Ерөнхийлөгчийн санаачилсан, тэгээд ч өөрөө оролцох энэ аяллыг сайтар зохион байгуулах, тамирчдын аюулгүй байдлыг хангах үүргийг Засгийн газраас холбогдох байгууллагуудад лvндэн зарлиг буулгаж гэнэ.

Ээ бурхан минь! Далайн төвшнөөс дээш 4374 метр өндөр Хүйтний оргилд гарч, төрийн далбаагаа мандуулах тэрхүү мандуулсан тугаа Монгол орноороо хөндлөн гулд аялуулах, мөн мөнх цаст Хүйтний оргилд төрийн шинэ дууллаа эгшиглүүлж, Монгол Улсынхаа цог хийморийг дуудаж, тэнгэрийг баясгах зорилго өвөртлөн амь бие vл хайрлан зориглосон эрхэм ерөнхийлөгчийнхөө суу алдарыг магтахуу гоомой юм хийж ард тvмэн улс эх орныхоо эрх ашгийг гээж осолтой алхам хийж байгаад нь зэмлэх vv. Хvн бvр дор бvрээ өөр өөрийнхөөрөө хvлээж авч байгаа бололтой.

Ямартаа ч гай газар доороос гэж осол эндэл гарч ерөнхийлөгч, шадар сайд эрхэм гишvvд маань бэртэж гэмтvvзэй гэж олон тvмэн санаа зовинон байна. Тvмний итгэлийг дааж төрийн хариуцлагатай алба хашиж байгаа хvн ийм алхам хийж аз сорьсон осол эндэл гарах магадлалтай алхам хийж байгаа нь зvйд хэр нийцэхийг бvv мэд. Эрх мэдэлтэй хvн юугаа хийх нь дурын хэрэг байж болох ч арай л дэндсэн хэрэг мэт санагдана. Монгол улсын хувь заяа, ард тvмний эрх ашгийг тээж явдаг тэрийн хамгаалалтанд байдаг эрхэмvvд ийнхvv дур зоргоороо аашилж, vvнийгээ улс төржvvлж байгаа нь тоогvй хэрэг мэт. Осол эндэл гарахгvй гэх баталгаа байхгvй ч итгэж найдах л одоо vлдэж байх шиг. Ийнхvv юм юманд сармагчин шиг vсчээд байдаг төрийн тvшээд олширвол ч монголын төр тvмэн олон эзгvйдэж хэцvvдэх вий дээ.

Монголчууд минь одоо бvгдээрээ хоёр зvйлд залбирцгаая! Нэгд нь эрхэм төрийн тэргvvн, шадар сайд, УИХ-ын гишvvдын авиралт амжилттай болж энх тунх эргэн ирж ажлаа хийж биднийгээ гийгvvлэйсээ дээ гэж. Хоёрт нь Хvйтний оргилд гарсандаа урамшаад Эверестэд авирна гэж дахин бvv биднийгээ орхин сэтгэлийг зовоон эрхэм ерөнхийлөгч маань сайд гишvvдээ дагуулаад явчихаасай даа...

Төрийн тэргvvн, сайд, УИХ-ын гишvvд нь уулын оргилд авирч улсынхаа цог хийморийг дуудаж, тэнгэрийг баясгаж төрийн ажил хийдэг моод монголд эхэлж дэлхийд гайхагдах мөч ойрхон байна...

/Болод.М/