2007-04-17 - Тату хамтлаг ирнэ гэдэг луйвар байсан уу?!!

Их Монгол 800 жилд зориулж Тату хамтлаг Монголд ирж Төв цэнгэлдэх хvрээлэнд5 сарын 29-нд тоглоно гэсэн зар реклам нэг хэсэгтээ бөмбөгдөж байгаад өдийг хvртэл бvхэл бvтэн 5 сар сураггvй болов.

Тус тоглолтын ерөнхий зохион байгуулагч нь урд нь нэг их сонсогдогдож байгаагvй Монголын шоу урлагийн холбоо гэх сvржин нэртэй газар байсан. Тэр холбоо нь ч одоо байдаг юм уу vгvй юм уу бvv мэд.

Ямартаа ч 4500 төгрөгийн тасалбар авсан баахан хvмvvс нvдээ ширэгтэл Тату хамтлагийг харуулдсаар хvлээсээр. Одоо бvр аргаа барж найдвар тасарч байх шиг байна. Ядаж ганц ч гэсэн олон нийтийн мэдээллийн хэрэгслээр тус тоглолт яасан ийсэн тухай тайлбар мэдээ уучлал гуйх зэрэг зvйл гарсангvй. Харин ч бvр усанд хаясан чулуу шиг таг.

Энэ арай жинхэнэ та битгий уурлаарай шоу, өнгөрсөн 4 сарын 1-ний хатуу тоглоом, эсвэл бvр луйвар байсан юм биш байгаа гэж эргэлзэж эхэллээ.

Хэрэв тийм бол энэ хэргийг ч гэсэн шvvх цагдаа нь хянаж шалгаж олон тvмнийг хохиролгvй болгоход оройтоогvй байна. Мэдээж 4500 төгрөгийн хэдэн тасалбар аваад хулхидуулж хохирчихлоо гээд хvмvvс өлсөглөн зарлаж жагсаал хийхгvй нь тодорхой гээд хаяж болохгvй биз. Харин ч мэт олны итгэл сэтгэлээр тоглосон  тийм ч жижигт орохгvй луйваруудад хатуу хариуцлага тооцож байх нь ирээдvйд дахин гарах том луйвар иргэдийг хохироох их аюулаас урдчилан сэргийлэх хатуу сануулага болно.

Иргэдээс гадна бас янз бvрийн хэлбэрээр ивээн тэтгэж баахан хөрөнгө мөнгөөрөө шатаад хохироод луйварчины хамсаатан мэт болоод vлдсэн байгууллага компаниуд ч байгаа бололтой.

Жишээлбэл тус тоглолтыг Hite, Женко тур бюро ХК, Соёмбо принтинг, Next level, Нийгмийн шинэчлэл сан, болон нилээд олон телевиз, FM, сонинууд зэрэг газар ивээн тэтгэж оролцжээ. Одоо тэд нь ч гэсэн сураг алдарсан Тату, Шоу бизнесийн холбоо хоёрыг хvлээсээр гайхаж сууна.

Ийнхvv ард иргэдийг сураг ажиггvй хvлээлгэж байхаар эртхэн vнэн мөнийг нь хэлж vнгэгдэж хадгалагдсаар нойлын цаас шиг болоод байгаа тасалбараа авч эргvvлэн мөнгийг нь олгож эхэлбэл яасан юм бэ?

Эсвэл зохион байгуулагч этгээдvvд нь мөнгөө vрээд дууссан уу, өөр бизнест оруулаад шатсан уу, vгvй бол бvр гадагшаа гараад арилцгаасан уу? Бvv мэд.

Ямар ч атугай олон иргэдийн гар дээр Хера экуйтмент ХХК-ийн санхvvгийн тамгатай ерөнхий зохион байгуулагч Шоу бизнесийн холбоо гэсэн Тату хамтлагийн нэг бvр нь 4500 төгрөгийн vнэтэй тасалбар гэх цаас байсаар...

Хvмvvс мөнгөө ядаж эргvvлээд авчих юмсан гэж байна.

Энэ янзаараа ирэх жил ч Тату тоглолтын сураг нь гарахгvй бололтойдог оо.

Энэ талаар холбогдох байгууллага хууль хяналтын байгууллага цагдаа нь шалгаж ард иргэдийг хохиролгvй болгох арга хэмжээ авах эс бөгөөс тэрхvv зохион байгуулагч газар нь ядаж олон нийтэд мэдээлэл хийж хэзээ хаана яаж тоглох хэрхэн тасалбар авсан хvмvvс нь хохиролгvй болох талаар мэдээлэхийг олон хvмvvс шаардаж байна шvv!

Нээрээ одоо болтол надад 4 тасалбар байж л  байна яах уу цус хогийн саванд шидэх vv?

Болод.М